యువత మేలుకో........: మాతృ గీతం రచన: అందెశ్రీ

15, నవంబర్ 2012, గురువారం

మాతృ గీతం రచన: అందెశ్రీ

జయజయహే తెలంగాణ జననీ జయకేతనం
ముక్కోటి గొంతుకలు ఒక్కటైన చేతనం

|| జయ…||
తరతరాల చరితగల తల్లీ నీరాజనం

|| తర…||
పది జిల్లల నీ పిల్లలు ప్రణమిల్లిన శుభతరుణం
జై తెలంగాణ జై జై తెలంగాణ

|| జై…||

పోతనదీ పురిటిగడ్డ రుద్రమదీ వీరగడ్డ
గండర గండడు కొమురం భీముడేలే బిడ్డ
కాకతీయ కళాప్రభల కాంతిరేఖ రామప్ప
గోలుకొండ నవాబుల గొప్పవెలుగె చార్మినార్

|| జై…||

జానపదా జనజీవన జావళీలు జాలువార
కవిగాయక వైతాళిక కళలా మంజీరాలు
జాతిని జాగృతపరచే గీతాలా జనజాతర
అనునిత్యం నీ గానం అమ్మ నీవె మాప్రాణం

|| జై…||

సిరివెలుగులు విరజిమ్మే సింగరేణి బంగారం
అణువణువున ఖనిజాలే నీ తనువుకు సింగారం
సహజమైన వనసంపద సక్కనైన పూవులపొద
సిరులుపండె సారమున్న మాగాణియె కద నీ ఎద

|| జై…||

గోదావరి కృష్ణమ్మలు మన బీళ్ళకు మళ్ళాలి
పచ్చని మాగాణాల్లో పసిడి సిరులు పండాలి
సుఖశాంతుల తెలంగాణ సుభిక్షంగ ఉండాలె
స్వరాష్ట్రమై తెలంగాణ స్వర్ణయుగం కావాలి

4 కామెంట్‌లు:

అజ్ఞాత15 నవంబర్, 2012 5:41 PMకి
jai telangana
రిప్లయితొలగించండి
రిప్లయిలు
తెలంగాణా ముద్దుబిడ్డ19 నవంబర్, 2012 12:20 PMకి
jai jai telangana........
రిప్లయితొలగించండి
రిప్లయిలు
Karthika Raju25 జూన్, 2013 2:42 PMకి
తెలంగాణకు అద్భుతమైన మాతృగీతాన్ని అందించిన ప్రజాకవి అందెశ్రీ గారికి హాట్సాఫ్!
జయహో తెలంగాణ!!
రిప్లయితొలగించండి
రిప్లయిలు

కామెంట్‌ను జోడించండి

స్వాతంత్ర్యం వచ్చిన వేళ

తెల్లదొరల పాలన విరగడై పరతంత్రభరతావని స్వతంత్రభారతిగా అవతరించిన రోజు, 1947 ఆగస్ట్‌ 15. దేశమంతా పండగ చేసుకుంది. ఆసేతుశీతాచలం ఆనందడోలికలలో ఓలలాడింది. మహాత్మాగాంధీని, చాచా నెహ్రూను ప్రపంచం ప్రశంసలలో ముంచెత్తింది. కోట్లాది భారతీయులు కోలాహలంలో మునిగి తేలుతుంటే, పూర్ణప్రజ్ఞావంతులైన కొందరు మాత్రం, ప్రజలను వాస్తవం వైపు నడిపించేందుకు కృషిచేశారు. స్వాతంత్య్రం రావడం కోసం చేసిన పోరాటం అయిపోయింది. దాని ఫలం వచ్చేసింది. ఇది రాజకీయంగా మనకు లభించిన ప్రయోజనమే తప్ప ఇదే అంతిమఫలితం కాదు. దేశానికి స్వాతంత్య్రం వస్తే ఆకాశం వచ్చి ఒళ్లో వాలుతుందని జనం నమ్మేవారు. తెల్లవాడు దేశం వదిలిపోతే 200 సంవత్సరాలుగా పట్టిన దరిద్రం వదిలిపోతుందని అనుకున్నారే తప్ప, ఆ తరువాత దేశనిర్వహణబాధ్యత మన నెత్తినే పడుతుందనీ, అందువల్ల వచ్చే మంచిచెడులకు మనమే బాధ్యత వహించాల్సివుంటుందనీ, ఎవ్వరూ భావించలేదు. అప్పటికి జనంలో ఆ విధంగా ఆలోచించే పరిస్థితి కూడా లేదు. నిజం ఎప్పుడూ నిష్ఠురంగానే ఉంటుంది. నిజాన్ని దాచి, కొంత కాలం జనాన్ని మభ్యపెట్టి, వాళ్లతో దండలు వేయించుకుంటే ఆ క్షణంలో బాగానే ఉంటుంది కానీ, నాలుగురోజులు పోయాక ఈతిబాధలు వెంటపడ్డప్పుడు, స్వాతంత్య్రం తెచ్చిన నాయకుల ప్రతిభావ్యుత్పత్తులు కనబడవు. కష్టాలు కాల్చుకుతింటుంటే బుక్కెడు బువ్వ పెట్టడం చేతకానివారిని స్వాతంత్య్రం ఎవ్వరు తెమ్మన్నారు? ఎవరడిగారు? ఎవరేడ్చారు? అంటూ విమర్శలు కురిపించేవారు పెరిగిపోతారు. దేశంలో హిందువులు, ముస్లింల మధ్య అంతరం పెరుగుతోంది. దేశ విభజనతో ఈ సమస్య పరిష్కారమైనట్టు కాదు. వారి మధ్య కలహాగ్ని రోజురోజుకూ రాజుకుని నాల్కలు చాచి మండుతోంది. దీన్ని ఇలాగే ఉండనిస్తే, భవిష్యత్తులో శాశ్వతంగా వీరు వైరి వర్గాలుగా మారిపోతారు. ఇందువల్ల దేశం బలహీనమవుతుంది. అంతర్యుద్ధాలు జరిగే ప్రమాదం ఎంతైనా ఉంది. ఈ దుఃస్థితే తలెత్తితే, మళ్లీ విదేశీయులు, మనపై పెత్తనం చేసేందుకు వచ్చే ఆస్కారం ఉంది. అదే జరిగితే, ఇంత కష్టపడి సంపాదించుకున్న స్వాతంత్య్రానికి అర్థం లేకుండా పోతుంది. ఆస్తులు పంచి ఇచ్చి నట్టు, దేశాన్ని ముక్కలు చేసి ఇచ్చినంత మాత్రాన ఒరిగేదేమీ ఉండదు. ప్రజల మధ్య సోదరభావం, సౌభ్రాతృత్వం నెలకొల్పితేనే ఈ సమస్యకు సమాధానం దొరుకుతుంది. ఈ పని త్వరగా జరగాలన్నది నా మొదటి కల.