యువత మేలుకో........: అమావాస్య చంద్రుడు.........

మంగళవారం 12 జనవరి 2010

అమావాస్య చంద్రుడు.........

నువ్వూ ఒక నాయకుడివా.....చంద్ర(మామ)బాబు
నువ్వొక అమావాస్య చంద్రుడివి
నువ్వూ ఎలాగో సిఎం పోస్ట్ కి అర్హుడివి కాదని తేలిపోయింది
కనీసం నీకు ప్రతిపక్ష నేతగా ఉండే అర్హత కూడా లేదా??
మొన్నటి ఎన్నికల్లో తెలంగాణా ఎజెండాగా పోటి చేసావ్
ఇప్పుడేమో తెలంగాణా అనగానే గోడ మీద పిల్లిలా ఇంట్లోంచి బయటకు రావడమేలేదు
నిజంగా ప్రతిపక్ష నేతవే ఐతే...ప్రజలకోసం ప్రభుత్వం తో పోరాడు...
లేకపోతె "తెలుగుదేశం" పార్టీ పగ్గాలు అన్న ఎన్టిఆర్ కొడుకు హరికృష్ణ కు ఇచ్చేసి
నారవారిపల్లి కి వెళ్లి నాట్లు నాటుకో.....
ఇంకా నీకు Z కేటగిరి భద్రతా అవసరమా మామా......

1 మీ మనసులోని మాటలు:

bondalapati12 జనవరి 2010 8:32 సా
ప్రజల కోసం పోరాడటమంటే, ప్రజల మూర్ఖమైన భావోద్వేగాలను రెచ్చగొట్టే విధం గా ప్రవర్తించటం కాడు. ప్రజలు తమ గోతి తామే తవ్వుకుంటుంటే వాళ్ళకి ఇంకో పారా పలుగూ ఇవ్వటం కాదు. వీలైతే వాళ్ళని కన్విన్స్ చేయటం. వాళ్ళు కన్విన్స్ కకపొతే వాళ్ళకు మరింత చెడు జరగకుండా నిశ్శబ్దం గా ఉండటం.
ప్రత్యుత్తరంతొలగించు

వ్యాఖ్యను జోడించండి

మరిన్ని లోడ్ చేయి...

స్వాతంత్ర్యం వచ్చిన వేళ

తెల్లదొరల పాలన విరగడై పరతంత్రభరతావని స్వతంత్రభారతిగా అవతరించిన రోజు, 1947 ఆగస్ట్‌ 15. దేశమంతా పండగ చేసుకుంది. ఆసేతుశీతాచలం ఆనందడోలికలలో ఓలలాడింది. మహాత్మాగాంధీని, చాచా నెహ్రూను ప్రపంచం ప్రశంసలలో ముంచెత్తింది. కోట్లాది భారతీయులు కోలాహలంలో మునిగి తేలుతుంటే, పూర్ణప్రజ్ఞావంతులైన కొందరు మాత్రం, ప్రజలను వాస్తవం వైపు నడిపించేందుకు కృషిచేశారు. స్వాతంత్య్రం రావడం కోసం చేసిన పోరాటం అయిపోయింది. దాని ఫలం వచ్చేసింది. ఇది రాజకీయంగా మనకు లభించిన ప్రయోజనమే తప్ప ఇదే అంతిమఫలితం కాదు. దేశానికి స్వాతంత్య్రం వస్తే ఆకాశం వచ్చి ఒళ్లో వాలుతుందని జనం నమ్మేవారు. తెల్లవాడు దేశం వదిలిపోతే 200 సంవత్సరాలుగా పట్టిన దరిద్రం వదిలిపోతుందని అనుకున్నారే తప్ప, ఆ తరువాత దేశనిర్వహణబాధ్యత మన నెత్తినే పడుతుందనీ, అందువల్ల వచ్చే మంచిచెడులకు మనమే బాధ్యత వహించాల్సివుంటుందనీ, ఎవ్వరూ భావించలేదు. అప్పటికి జనంలో ఆ విధంగా ఆలోచించే పరిస్థితి కూడా లేదు. నిజం ఎప్పుడూ నిష్ఠురంగానే ఉంటుంది. నిజాన్ని దాచి, కొంత కాలం జనాన్ని మభ్యపెట్టి, వాళ్లతో దండలు వేయించుకుంటే ఆ క్షణంలో బాగానే ఉంటుంది కానీ, నాలుగురోజులు పోయాక ఈతిబాధలు వెంటపడ్డప్పుడు, స్వాతంత్య్రం తెచ్చిన నాయకుల ప్రతిభావ్యుత్పత్తులు కనబడవు. కష్టాలు కాల్చుకుతింటుంటే బుక్కెడు బువ్వ పెట్టడం చేతకానివారిని స్వాతంత్య్రం ఎవ్వరు తెమ్మన్నారు? ఎవరడిగారు? ఎవరేడ్చారు? అంటూ విమర్శలు కురిపించేవారు పెరిగిపోతారు. దేశంలో హిందువులు, ముస్లింల మధ్య అంతరం పెరుగుతోంది. దేశ విభజనతో ఈ సమస్య పరిష్కారమైనట్టు కాదు. వారి మధ్య కలహాగ్ని రోజురోజుకూ రాజుకుని నాల్కలు చాచి మండుతోంది. దీన్ని ఇలాగే ఉండనిస్తే, భవిష్యత్తులో శాశ్వతంగా వీరు వైరి వర్గాలుగా మారిపోతారు. ఇందువల్ల దేశం బలహీనమవుతుంది. అంతర్యుద్ధాలు జరిగే ప్రమాదం ఎంతైనా ఉంది. ఈ దుఃస్థితే తలెత్తితే, మళ్లీ విదేశీయులు, మనపై పెత్తనం చేసేందుకు వచ్చే ఆస్కారం ఉంది. అదే జరిగితే, ఇంత కష్టపడి సంపాదించుకున్న స్వాతంత్య్రానికి అర్థం లేకుండా పోతుంది. ఆస్తులు పంచి ఇచ్చి నట్టు, దేశాన్ని ముక్కలు చేసి ఇచ్చినంత మాత్రాన ఒరిగేదేమీ ఉండదు. ప్రజల మధ్య సోదరభావం, సౌభ్రాతృత్వం నెలకొల్పితేనే ఈ సమస్యకు సమాధానం దొరుకుతుంది. ఈ పని త్వరగా జరగాలన్నది నా మొదటి కల.